تسوق من الانترنت

إشترك معنا ليصلك جديد الموقع

بريدك الإلكترونى فى أمان معنا

الأربعاء، 29 أبريل 2015

المقال الثانى من مصطلحات التسويق


المقال الثانى من مصطلحات التسويق عامه والتسويق الالكترونى خاصه لمراجعه المقال الاول  اضغط على هذه الكلمه مصطلحات التسويق

ـــــــــــــــــــ

CPI/ Cost Per Impression=CPM/ Cost Per Mille

وهى واحده من وسائل الدفع للاعلانات المدفوعه على الانترنت ويتم حسبتها بطريق الدفع لكل 1000 ظهور وتحسب على حسب المشاهده سواء قام بالضغط على الاعلان او لا وتسمى الدفع مقابل المشاهده



ــــ

CPC/Cost Per Click          PPC/ Pay Per Click

وهى الوسيله الثانيه للدفع وتسمى الدفع مقابل النقره ويتم حساب التكلفه فيها بالنقره الواحده مثلا النقره ب 5 سنت او 20 قرش فى جوجل ادورد


ــــــــــــــ

CPA/ Cost Per Action   PPA/ Pay Per Action

وهى الدفع مقابل تحقيق الهدف بمعنى ان كان هدفك عمل اعجاب لصفحه او تنزيل تطبيق او ملئ استماره او كتابه الايميل لا يتم حساب الدفع الا اذا قام الزائر بفعل هذا


ـــــــــ

CTR/ Click Through Rate

وهو مصطلح يستخدم فى الاعلانات ومعناه النسبئه المئويه بين عدد ظهور الاعلان ونسبه الضغط عليه يعنى لو الاعلان ظهر 1000 مره وضغط عليه 100 زائر يبقى CTR  = 10%


ـــــــــــ

CR/ Conversion Rate

وده المصطلح التانى بيظهر بعد ال ctr  وبيحددلك كام واحد دخل ونفذ المهمه 
 المطلوبه منه سواء الشراء او ملى استماره او تنزيل تطبيق او الاعجاب بالصفحه 

ــــــــــ

ROI/ Return On Investment

وهى النسبه المئويه بين المدفوع وبين الربح من الحمله المدفوعه يعنى هل دفعت اكثر من ربحت ام العكس 

ـــــــ
وبكده نكون خلصنا المصطلحات الخاصه بالاعلانات وفى المقال الثالث بأذن الله هنتكلم عن بعض المصطلحات فى ال seo تكمله لما سبق

الثلاثاء، 28 أبريل 2015

مصطلحات فى التسويق عامه والالكترونى خاصه الجزء الاول


مصطلحات فى التسويق

 للناس بتوع التسويق وعاوزه تكون اخصائى سوشيال ميديا  او اخصائى seo  كتير مننا بيواجه مشكله سواء فى العمل او فى الانترفيو والمشكله دى دايما بتكون المصطلحات الخاصه بالتسويق فهنوضح انهارده بأذن الله مجموعه من المصطلحات دى
بس متنساش بقا تنشر الموضوع علشان غيرك يستفيد
ـــــــــــــ

فلنبدأ على بركه الله

Marketing: ده اول مصطلح والمعنى بتاعه هو التسويق وشامل التسويق بكل انواعه

E-Marketing : يعنى انا بعتبره المصطلح الشعبى للتسويق الالكترونى بكافه انواعه ولكنه يستخدم فى الاصل بمعنى تسويق المنتجات الكترونيا كمواقع سوق ونفسك وامازون

Digital marketing:وده هو المصطلح الاكثر تخصصا لعمليات السوشيال ميديا وال   seo  ويعنى العمليات الذى بها المسوق الالكترونى لارشفه موقع او صفحه وجلب زوار له 

ــــــــــــــ

وينقسم المحتوى فى عمليه التسويق الالكترونى الى 3 اشياء

الاول
Inbound marketing :
وده بيكون المحتوى المجانى اللى بيقدمه صفحتك او موقعك لجذب اكبر عدد من الزوار

Outbound marketing
وده العكس المحتوى الخاص بالاعلانات الخاصه بيك او بالعميل وبتكون بنسبه 20 فى الميه من الصفحه

Vaule :
القيمه اللى بيحصل عليها الزائر من المحتوى اللى بتقدمه وكلما ارتفعت القيمه ارتفع حب الزائر ليك ولموقعك

ـــــــــــــــــــ

المصطلحات الخاصه بال seo

Sem : Search Engine Marketing

وهو المصطلح المستخدم فى تهيئه المواقع لمحركات البحث وينقسم الى نوعين مجانى ومدفوع

SEO/ Search Engine Optimization
هو تهيئه محركات البحث بشكل مجانى ومجانى بمعنى مجموعه من العوامل والمقاييس التى تسخدمها لتصل بموقعك الى النتيجه الاولى فى محركات البحث منها تحليل المنافسين واختيار الكلمات وينقسم ال seo  الى قسمين وهما

On page seo :
وهو تهيئه الموقع داخليا الى محركات البحث وده بيكون عن طريق المحتوى والاكواد والبرمجه والدومين والتصميمات والكلمات والعنوانين الداخليه وخريطه الموقع وملف الروبت والتعريف الخاص بالموقع

تهيئه الموقع خارجيا لمحركات البحث وتشمل هذا كل رابط او موضوع او كلمه تشير الى صفحتك خارج موقعك وهى ادوات السوشيال ميديا والباك لينك والروايط الخارجيه



ـــــــــــ

SMM/ Social Media Marketing

وهى الوسشيال ميديا او وسائل التواصل الاجتماعى كالفيس بوك تويتر جوجل بلس انستجرام وهى اى وصيله بها تواصل مباشر مع الفانز والمعجبين ولها اهميه كبيره لكسب الثقه فى محركات البحث كجوجل من خلال النشر والتفاعل عليها ولها اهميه كبيره فى جلب الزيارات والنتائج السريعه ارجع للمقالات التى تتحدث عن السوشيال ميديا فى المدونه 

ـــــــــــــ

SERP/ Search Engine Results Page

ويستخدم هذا المصطلح فى جمله الصفحه الاولى من محركات البحث او اول  10 نتائج فى محركات البحث
ــــــــــ

Spiders :

العناكب وهى عناكب البحث التى يستخدمها جوجل فى ارشفه المواضيع والتاكد من صحتها وصحه الروابط وقوه المحتوى واشياء اخرى فهى عيون جوجل داخل الصفحات والمواقع والتى ترسل اليه التقرير بقوه الموقع وباخطائه
ــــــــــــــ
وهنستكمل بأذن الله المقال القادم باقى المصطلحات الخاصه بالعمليه التسويقيه بانواعها

الاثنين، 20 أبريل 2015

السوشيال ميديا عناصر واساسيات مقال مجمع

ولنا عوده بفضل الله مع دردشه جديده عن التسويق  بانواعه مع مدونه

  ونتمنى  ان تكون المعلومات التى نقدمها لكم ذات قيمه عاليه وننتظر منكم اى اقتراح لتطوير المدونه 

http://ktamat.blogspot.com/2015/03/tasweqktamat.html

ومستعدين للرد على اى استفسار اترك استفسارك فى التعليقات الخاصه بالمدونه وسيتم الرد عليه 

وده بيكون شكل المسوق وهو داخل سوق جديد :D

 
http://ktamat.blogspot.com/2015/03/tasweqktamat.html

::::::

بسم الله الرحمن الرحيم

هندردش سوا انهارده فى السوشيال ميديا فيس بوك social media (facebook)

اول حاجه خالص ايه هى ال social media


 

ــــــــــ

السوشيال ميديا social media  :

هى التسويق على مواقع التواصل الاجتماعى المواقع التى تحتوى على محادثات مباشره مع العميل

ــــــــــــ

السوشيال ميديا مش فيس بوك بس السوشيال ميديا القنوات الخاصه بيها كتييييييييره جدا ولكن اللى وصلت لنا او اللى بيستخدمه العرب عدد محدود منها واشهرهم ( تويتر – فيس بوك – انستجرام – لينكد ان – يوتيوب – بلوجر )

ــــــــ

اهميه السوشيال ميديا

السوشيال ميديا هى مساعد للموقع بيعتمد عليها فى تحقيق المكاسب السريعه وهدفها الاساسى هو سهوله التواصل بينك وبين العميل وانك تكون متواجد قدام العميل بصفه مستمره

وكمان فى حاجات كتير بتميزها

اهمها الاسعار( رخيصه جدا ) بالنسبه للوسائل التانيه

 وسرعه الوصول ( وصول الاعلان بطريقه سريعه للجمهور)

 وسهوله الاستهداف ( انك ممكن تحدد فئه معينه وتعمل اعلان خاص بيهم لمده معينه كالمواسم مثلا )

ــــــــــــــــــــ

علشان تشتغل فى "السوشيال ميديا" لازم تعرف اجابه الاسئله دى

1-      ايه هو المنتج  ؟ 

(لازم تقرا عن المنتج وتعرف كل المعلومات عنه وطول ما انت شغال فى صفحه معينه لازم تعرف عن المنتج اكتر واكتر )

2-      ايه هى الشريحه المستهدفه +وايه طرق الوصول ليها؟

(لازم تعرف انت هتكلم مين وهتخاطب مين من جمهور الفيس بوك وازاى تقدر توصلهم والاهم انك تحافظ عليهم )

3-      توقيت نشر البوستات بناء على الشريحه المستهدفه ؟

( الشريحه اللى استهدفتها بتقعد امتى على السوشيال ميديا علشان تنزل لهم البوستات وقت ما يقعد وهنشرح اكتر انك ازاى تعرفهم المقال الجى بأذن الله )

4-      نوعيه البوست اللى هتقدمه للشريحه المستهدفه ؟ 

( الشريحه المستهدفه بتحب افضل الصور ولا البوستات ولا المقالات الطويله ولا الفيديوهات وبناء على ده بتحدد هتنزل ايه )

5-      ايه البوستات التى يتم نشرها يوميا وتجهيزها قبلها؟

( انت كخبير فى السوشيال ميديا مينفعش تفتح صفحتك وتقول انا هكتب ايه دلوقتى لا لازم تجهز شغلك قبل بيوم على الاقل نوع المحتوى وتوقيت النشر والمحتوى نفسه راعى فيه التوع فى اختيار البوستات (صور – فيديو ) 

للشرح اكتر عن "الشريحه المستهدفه" اضغط هنا

ــــــــــــــــــ

يتبع بأذن الله تابع تحديثات المدونه 

ــــــــــــــ

بعض من وسائل السوشيال ميديا

http://ktamat.blogspot.com/2015/03/tasweqktamat.html

 

ــ المحتوى 

http://ktamat.blogspot.com/
يقوم المحتوى على اربع عناصر يجب عليك ان تعرفهم 
ــــــــــــــــــــــــــــــــ
اول عنصر هو

Inbound :

http://ktamat.blogspot.com/

 تقديم محتوى لا يهدف الى الربح  تهم الفانز الخاصين بك بعيدا عن الاعلانات الخاصه بموقعك او شركتك خدمات تقدم بدون مقابل كمعلومات عامه وظائف وهذا النظام يكون بمثابه مغناطيس يجذب فئه مستهدفه ليكونوا معجبين دائمين لديك ولكن المحتوى ال inbound  الذى ستقدمه يجب ان يكون قريب من المجال اللى انت عامل الصفحه علشانه علشان تسهدف الشريحه اللى هتشتغل عليها وممكن تكون عملاء محتملين  لما تبدا  فى  نشر الاعلانات وتسويق شركتك  

مثال:

لو شغال على موقع خاص بالاجهزه الرياضيه : اتكلم عن المنتجات العالميه . تمارين للرشاقه . تاريخ الرياضين . البروتينات وانواعها واهميتها .... هكذا )
ـــــــــــ
العنصر التانى

 Outbound

http://ktamat.blogspot.com/
 وده بيكون الخدمات التى تقدم بمقابل كالاعلانات وهذا يكون لكل الناس التى ممكن ان تقوم بالشراء وتحقق ربح من وراءها بس مينفعش تعمل صفحه مبنيه على الاعلانات فقط الا لو كان براند عالى جدا وزواره كتير فى الحاله دى بتعمل صفحتين صفحه خاص بمنتجات البراند وصفحه تانيه مساعده وبتقدم محتوى عام وتضع عليها اعلانات خاصه بصفحه البراند من وقت للتانى
......
وتعتمد السوشيال على ال inbound  اكتر لجذب المعجبين للصفحه
وتقديم محتوى يهمهم ويتفاعلوا معاه بشكل دائم ويرجعوا له تانى ليتابعوا الجديد ويدعوا اصدقائهم له
وتكون فى غالبيه الصفحات نسبه المحتوى ال inbound  80% من المحتوى ككل بينما بيشكل المحتوى ال outbound  نسبه 20% فثط من محتوى الصفحه
.............
العنصر التالت

Value القيمه :

http://ktamat.blogspot.com/
 من اهم عناصر السوشيال ميديا هى القيمه التى ستقدمها للعميل لتحافظ به على وجوده عندك فى صفحتك ومتابعتك بشكل دائم وكلما ارتفعت القيمه كلما ارتفعت نسبه المعجبين ومتابعتهم لصفحتك
يعنى لازم المعلومه اللى تقدمها تكون جديده ومتميزه وفيها قيمه هتسفادها القيمه دى تضطرنى انى ارجع تانى وتالت ورابع للصفحه علشان احصل على معلومه جديده وقيمه جديده
بعد ما تكتب النص والمحتوى بص ليه وشوف ايه القيمه اللى تقدر تسخرجها منه وهيفيد جمهورك بنسبه قد ايه وعدل عليه مره واتنين وتلاته لحد ما يطلع فى اعلى قيمه ممكنه ليحصل على اكبر تفاعل ممكن
..........
العنصر الرابع

محتوى حصرى :

http://ktamat.blogspot.com/
اياك ثم اياك ثم اياك والمحتوى المنقول وجوجل والفيس بيكرهوا ده وبيعاقبوا صفحتك لازم المحتوى اللى تقدمه يكون حصرى ومتكتبش قبل كده  وده من حيث كل فيه
الصور – شكل البوست 
– اللوجو الخاص بالصفحه – المحتوى الذى تقدمه
 – مدى تناسب اسم الصفحه مع المحتوى
– مهم جدا ان يكون باعلى مستوى ممكن من جهه المعلومات والكلمات الموجوده داخل البوست
وسيتم كتابه مقال خاص بأذن الله للمحتوى الحارى تابعونا
ـــــــــــــ
وقبل الختام هذه بعض الروابط لمساعدتك فى المحتوى وتحليله وكتابته
موقع لمعرفه المحتوى  الاشهر شهره الخاص بالمجال الذى تريده وده ممكن تسخدمه فى اكتساب معلومات وافكار جديده لكتابه المحتوى
.....
موقع لايجاد صور لمشاركتها مع المحتوى
.........
لمعرفه هل محتواك منقول ام لا

بسم الله الرحمن الرحيم
نبدا الدرس التالت بأذن الله بعد كلامنا عن الاسئله اللى بتسئلها لنفسك لو هتشتغل فى السوشيال ميدياواتكلمنا عن المحتوى وشكله وعناصره انهارده بأذن الله هنتكلم عن شويه مصطلحات واساسيات  فى السوشيال ميديا
وعلشان مطولش عليكم نبدأ علطول
http://ktamat.blogspot.com/
واول حاجه هنتكلم عنها هى
ـــــــــــــــ

مميزات السوشيال ميديا


بس قبل ما نتكلم فى المميزات لازم نعرف ايه اهميه السوشيال ميديا social media
الهدف الاكبر للسوشيال هو التواصل مع العميل بشكل اسرع واسهل وانك تكون قدامه علطول ودايما تفكره بنفسك
وبالنسبه للميزات
1-   سعر الاعلانات ارخص بكثييييير
2-   سهوله الوصول وسرعه الاستجابه والحصول على نتايج
3-   سهوله استهداف شريحه يعينها  مكان سن واهتمامات
ومميزات تانيه كتيييير بس لازم تعرف القاعده دى ان مكان وجود الناس انت موجود
والسوشيال ميديا اصبحت من اهم الوسائل اللى بيتجمع عليها الناس فانت لازم تكون موجود فيها دايما ومينفعش تستهر بيه
وكمان السوشيال ميديا بتنفك فى شغل ال seo  وبستاعدك تكون اخصائى seo  لانها بترسل اشارات لمحركات البحث بوجود موقعك او مدونتك وكميه التفاعل عليه وجوجل بيحب ده وبيطمن ان موقعك فعلا حقيقى مش وهمى وبتقدر تكسب ثقه منه
http://ktamat.blogspot.com/
ـــــــــــ
تانى حاجه هنتكلم عنها هى

ثقل البوست فى الفيس

http://ktamat.blogspot.com/

 

الفيس بوك يقوم بترويج البوستات اصحاب التفاعل العالى اكثر واسرع من البوستات الميته اللى مفيش  تفاعل عليها فكلما زاد التفاعل على بوست معين زادت معاه نسبه الوصول فعلشان كده لازم تهتم اوى بالمحتوى بتاعك لازم يكون ليه قيمه عاليه جدا تجذب الناس بيها وتجبرهم على التفاعل وعلشان تعمل كده يبقى نخش على رقم تالت وهو من انواع المحتوى
والتفاعل المقصود به هو الايك والشير وفتح البوست سواء من اعضاء الصفحه او اى احد اخر
ـــــــ

بوستات التفاعل : call to action

http://ktamat.blogspot.com/
بوستات هو انك تكتب بوست جااااامد جدا يجذب اكبر عدد من الناس ويخلى الناس تتفاعل معاه و
الخطأ فيها هو نوعيه البوستات اللى بتستهر بعقول المتابعين ليها زى
اكتب رقم كذا وشوف ماذا يحدث
او صوره تافهه ليس له علاقه بالدين او معموله فوتشوب واكتب تحت لا تخرج قبل ان تقول سبحان الله
او ان لم تنشرها اعلم ان الشيطان منعك

الصح فيها :

هو البوستات الخاصه بالمسابقات المناقشات العروض الاسئله

والاصح

هى انك تقعد لمده اسبوع مثلا تفكر فى محتوى وتكتب وتعدل فيه مره واتنين وتلاته وتتضيف ليها قيمه اكبر واكبر ومن جمال المحتوى وارتفاع قيمته تجبر
العميل على  المشاركه والتفاعل مع البوست بسبب قيمه البوست وينشره كمان فى صفحته علشان يفيد صحابه وعلشان تعمل كده لازم تعرف من الشريحه اللى على صفحتك وبتحب ايه وبتقعد امتى وثقافتهم واهتمامتهم ايه وده بأذن الله هنشرحه فى مقال لوحده عن تحليلات الصفحه وعن سياسه نشر البوستات وده بأذن الله المقال القادم تابعونا وخليكم معانا دايما
ـــــــــ
ودى بعض اللينكات المهمه للفيس بوك  اللى نشرها احد عمالقه السوشيال ميديا الاستاذ ابراهيم البحراوى على صفحه من مده
http://ktamat.blogspot.com/

لينكات في الفيسبوك

- لينك توثيق الصفحات : http://on.fb.me/1s8j4GP
-
لينك تغير تاريخ ميلادك : http://on.fb.me/1vNh7C2
-
لينك تأكيد اكونتك ببطاقتك : http://on.fb.me/1tfFCps
-
لينك خدمات للناس اللي عاملة ممول بس : http://on.fb.me/10yxvO7
-
لينك تغير اسم البيدج للناس اللي عملة ممول : http://on.fb.me/1E7EZVa
-
لينك تقديم طلب لتغير اسم حسابك : http://on.fb.me/1zxGjTA
-
لينك لمعرفة قوة الحماية لحسابك وتعديل النقص : http://on.fb.me/1Gsun7l
-
لينك بروفايل لصفحة شخصية : http://on.fb.me/1EkO7Ib
-
طلب فك بلوك عن موقع حظره الفيسبوك : http://on.fb.me/1EkO9zI
-
لينك الابلاغ عن الصفحات المسروقة : http://on.fb.me/1x68Iz1
-
لينك تقديم طلب لو حسابك واخد حظر اعلانات: http://on.fb.me/1qr1cHP
-
لينك تقديم طلب لو حسابك مقفول : http://on.fb.me/1GsuKit
-
لو اتخنقت من الفيس '' امسح حسابك نهائي من اللينك ده : http://on.fb.me/1x8Arwx
-
لينك حذف شخص مريض او غير مؤهل : http://on.fb.me/1tL4SJw
-
لينك ابلاغ عن حساب محتال : http://on.fb.me/1siPShv
-
لينك ابلاغ عن انتهاك شروط الفيسبوك : http://on.fb.me/1EkOwKM

ونتمنى ان نكون حققنا لكم افاده متواضعه من خلال هذا الموضوع تابعوا التحديثات لاستكمال السلسله


يمكن التواصل معى من خلال

رابط

https://www.facebook.com/profile.php?id=100006753576673&fre

ــــــــــــــــــــــــــــ

 الراعى الرسمى مدونه "تسويق الخدمات" "تسويق المنتجات"


الأحد، 19 أبريل 2015

اساسيات و استراتيجيات وعناصر التسويق

كما وعدانكم لقد حان الوقت ودق الجرس وانتفض الحراس :D 

المقال المجمع للجزء الاول من سلسله اساسيات التسويق وهنتكلم بأذن الله عن 

1- مدارس السوق  2- الابحاث التسويقيه 

3- الشريحه المستهدفه  4- تحليل المنافسين وفتح مشروع جديد 

 5- استراتيجيات التسعير والترويج والميزانيه   6- الميزه التنافسيه   

7- الرساله التسويقيه

فلنبدأ على بركه الله 


ـــــــــــــــــــــــــ


السلام عليكم
ازيكم وعاملين ايه وكدهو
انهارده هندردش شويه انا وانتوا وعمى

ـــــــ

http://ktamat.blogspot.com/


 بص يا عمى علشان مضيعش وقتك انا جى طالب القرب منك
وحضرتك بقا شغال ايه ؟
انا متخصص فى التسويق يا عمى ؟
ااااه .. وبتبيع ايه يعنى
انا مبعبش يا عمى انا بمسك شغل فى شركات قسم تسويق
اه خلاص عرفت بتاع اعلانات يعنى دى شغلانه سهله مش محتاجه متخصص يعنى
لا كده انت مش عارف حاجه يا عمى ايوه سبنى اشرحلك بقا نقول بسم الله الرحمن الرحيم وهبدأ من الاول خالص
http://ktamat.blogspot.com/

ـــــــ
اول حاجه يا عمى لازم ايه هى مدارس السوق

مدارس السوق

عندنا السوق منقسم الى اربع مدارس رئيسية

1-     مدرسة الانتاج

دى بقى يا عمى بتعتمد على انها تنزل سوق زى مصر وتشوف ايه المنتجات اللى بتتباع فيها كتير والناس بتشتريها وليه وبعد كده تعمل ايه تجيب منتج بس تقليد بخامه ضعيفه وبسعر اقل بكتير وتنزل تغرق بيه السوق

ااااه زى الشركات الصينيه كده ما بتعمل يا ولاد اللذينه

بالضبط يا عمى انت كده بدأت تفهمنى الله ينور عليك بس استنى بس  اه الشركات دى فعلا بتبيع منتجات وبتحقق مكاسب لان سعر منتجها رخيص بس برده ليها عيوبها ومن اكبر عيوبها

ان الشركه مبتحافظش على عميل لان العميل بيجرب منتجها يبوز بسرعه ميتشريش تانى 
  وكمان غير كده بتعمل سمعه وحشه جدا للبراند بتاعها زى دلوقتى اى حاجه صينى فى مصر تبقى وحشه مع ان الصين بتنزل حاجات جميله جدا
ودى يا عمى اول مدرسه تانى مدرسه بقا هى مدرسه المبيعات
ـــــــــــ
http://ktamat.blogspot.com/

2-     مدرسةالمبيعات

دى بقى يا عمى بتعمد على الاعلانات تقعد توجع دماغك فى كل حته منين ما تروح تلاقى اعلانتها ودى منتجاتها برده بتكون ضعيفه وكمان مش بس كده يقعد يوعدك باوبشن وامكانيات واول ما تيجى تشترى المنتج متلاقيهاش

اااه يا بنى عارفها زى الاعلانات بتاع استاذ حسن ومحمد اللى بيتقابلوا صدفه علطول دول ويقعدوا يرغوا ساعه ونص او اعلان الكمبيوتر اللى عليه ماوس وكيبورد هديه وفيه اوبشن بيدخل على الفيس 

حبيبى يا عمى انا حبيت بنتك علشان خاطرك انت بس هو بالضبط كده زى ما انت قولت

بس الناس دى غبيه اوى هى الناس دى بتكسب

طبعا بتكسب لان فى جزء كبير من الشعب بيحب اى حاجه فيها حصريا عروض خصومات من غير ما يفكر اول ما يشوف كلمه زى دى يشترى علطول
ودى بقا يا عمى
عيوبهم : (منتجات  ضعيفة – مبتحافظش على العميل –سوء السمعة للشركة – قصيرة الاجل – لايوجد خدمة إضافية بعد الشراء )
يعنى يا عمى كل شغلهم على التسويق بانواعه سواء تسويق اوفلاين او تسويق اون لاين او تسويق الخدمات او تسويق المنتجات



http://ktamat.blogspot.com/

ــــــــــــــــ

تالت مدرسه

3-     مدرسة المنتج

(تعتمد على منتج جيد بأسعار مرتفعة  مثل الاسواق الالمانية يعنى ايه يعنى تجيبلك عربيه جامده جدا مفهاش غلط ومليانه اوبشن وجوده عاليه جدا

دى حلوه اوى يا بنى

لا استنى ده ليها عيوب برده ومن
عيوبها : (غلو المنتج (المنتج بيكون سعره عالى جدا )
       عدم الاحتياج لكافة الاوبشن ( بتعملك اوبشن كتير جدا انتا مش محتاجها )

بس كده يا بنى مفيش مدرسه حلوه

دى شغلتى بقا يا عمى المدرسه الرابعه وهى
ـــــــــــ

http://ktamat.blogspot.com/


4-     مدرسة التسويق

تعتمد على التوصل إلى افضل منتج بناءاً على حاجات ورغبات العمل يعنى ببساطه دى بتقعد تتدرس حاجات العميل ورغباته وقدرته الماليه وتحلل السوق والمنتج علشان توصل لاعلى منتج ممكن توصله 
زى ما العميل ماعاوز
وحاجات العميل دى يا عمى : اللى هى الاساسيات الاكل الشرب السفر العمل
انما الراغبات دى : اللى هى هياكل ايه هيسافر بايه عربيه ولا قطر ولا مركب بس برده يا عمى دى فيها 
عيب واحد 
وهو إرتفاع تكلفة البحوث ودراسة السوق
ـــــــــــــــــــــــــــــــــــــــــ
ده كلام والله العلم نور بس برده انا عندى سؤال طب هو ازاى يعرف حاجات ورغبات العميل

هو انا هسيبك يا عمى منا جى ليك فى الشرح اهو بس الاول نشرب الشاى ونتكلم عن الابحاث التسويقيه وتحليل المنافسين والسوق وحاجات تانيه كتيييييييير

لا شاى ايه قول شربااااات يا جوز بنتى انت راجل متخصص فى التسويق

يا حبيبى يا عمى



ـــــــــــــــــــــــــــــ


 هنتكلم بقى يا عم  بأذن الله  عن حاجه مهمة جدا وهى
ــــــــ
http://ktamat.blogspot.com/

الابحاث التسويقيه

من المعلومات السابقه ان مدرسه التسويق بتعمد على دراسه حاجات ورغبه العميل وتقديم المنتج المناسب له
طب ازاى تعرف حاجات العميل ؟
ده اللى هنتكلم عليه انهارده بأذن الله
بتعرف حاجات العميل عن طريق الابحاث التسويقيه
الابحاث التسويقيه مصطلح كبيييييير جد وبيضم تحته الكثيييييير والكثييير من المصطلحات
تحليل السوق . تحليل الشركه . دراسه المنافسين . دراسه الموظفين داخل الشركه . تحليل اقتصاد البلد
وكلام تانى كتييير وهنشرحهم فى بعد بأذن الله من خلال مدونه تسويق الخدمات . تسويق المنتجات
انما انهارده هنتكلم عن البحوث الخاصه بمعرفه حاجات ورغبات العميل
ــــــــــ

http://ktamat.blogspot.com/

البحوث التسويقيه (marketing research

لازم تمشى على كام خطوه علشان تنفذها صح والخطوات دى بتبدأ من

1-    تحديد اهداف البحث :

ايه غرضك من البحث هل غرضك عمل ترويج لمنتج معين فبتشوف اراء الناس فيه
ولا استبيان يعنى عاوز تستبين هل منتجك يكفى احتاجات العميل ام يحتاج لتعديل
ولا استفتاء عندك منتجين او اكثر من منتج وبتخيير الناس انهو منتج افضل
ولا طلب بتئسلهم عن ايه اللى محتاجينه فى المنتج علشان تبدأ تصنعه ليهم
ـــــــــــــــ

2-    وضع خطه العمل

وهنا بتحدد حاجتين

1-  الفئه المستهدفه ( مكانها –عمرها – مستواها التعليمى مستواها المالى .... الخ وللكلام اكتر عن الشريحه المستهدفه ارجع لهذا الموضوع داخل المدونه

http://ktamat.blogspot.com/2015/03/tasweqktamat.html

والشريحه هنا الهدف منها الشريحه المتوقع انها تستخدم منتج ده لو كنت اخترت وحددت نوع من معين من المنتجات تشتغل فيهم انما لو محددش بتاخد شريحه عشوائيه وتسئلهم عن طلبتهم

2-  تحديد فريق العمل : مين اللى هتناقش مع الشريحه يعنى لو منتج نسائى مش هتجيب راجل يكلمهم هتجيب واحده والعكس فبتحدد فريق العمل بناء على المنتج والشريحه

ـــــــــــــــــــ
http://ktamat.blogspot.com/

3-  نوع البيانات

والمقصود بيها نوع البيانات اللى عاوز تجمعها من الشريحه ومن البحث وفى نوعين من البيانات
  (بيانات اساسيه لا استطيع الحصوص عليها الا مباشره من العميل
      بيانات سنويه استطيع الحصول عليها من اى مكان حكومى او شركه اخرى )
    فانت بتحدد هتجمع اى نوع فيهم او هتجمع النوعين وهكذا
ــــــــــــــــــــ

4-  طريقه التعامل مع الشريحه المستهدفه وازاى هتخرج منهم المعلومات

(جلسات جماعيه – اسئله فرديه –محاوره نقاش – اسئله مباشره – عن طريق التليفون – عن طريق الميل ) انهى انسب وافضل طريقه تقدر تسخدمها
العينه تختلف على حسب المشروع المطلوب اقامه بحث عليه
ـــــــــ
5-  بعد تحديد الفئه والخطه وطرق التواصل وطرق طرح الاسئله تبدأ مرحله جمع المعلومات والتنفيذ وتحديد احتياجات العميل
ـــــــــــــــ
6-  عمل عينه من المنتج وعرضها على الفئه التى تم عمل البحوث عليها لتحديد هل المنتج مناسب ام لا
لو كان المنتج مناسب يتم البدء فى التنفيذ لو المنتج غير مناسب بيتم تعديله مره واتنين وتلاته لحد ما يعجب العميل بعدها بيتم طرحه للسوق
ـــــــــــــــــ
http://ktamat.blogspot.com/


ــــــــــــــــــ



يعنى انت يا عمى لو  عندك موقع الكترونى او مشروع وتريد عمل حمله" تسويق اون لاين" له
فيجب عليك الاول ان تحدد الشريحه التى ستقوم باستهدافها
وتحديد الشريحه المستهدفه هو من اهم وسائل التسويق عامه ولهذا يجب ان تتم العمليه بطريقه صحيحه حتى تحصل على اكبر درجه من النجاح 

http://ktamat.blogspot.com/


يتم تقسيم الشريحه المستهدفه بناء عل بعض الاساليب منها وتتوقف هذا الاساليب على نوع المنتج ونوع المشروع الذى ستقوم به ومن اهم هذه الاساليب والوسائل التى تعرض عليها مشروعك لاستخرج شريحه بعينها هى


http://ktamat.blogspot.com/2015/03/tasweqktamat.html

1-على حسب المكان 
(منطقه – بلد – دوله  كما فى المشاريع الصغيره التى تسهدف اهل بلد بعينها فقط)
ــــــــــــــــ
2-على حسب العمر
 (كبار صغار شباب السن من كذا الى كذا لانك عندما تخاطب شاب غير خطابك لطفل غير خطابك لشيخ كبير)
ـــــــــــ
3-على حسب النوع
(مذكر– مؤنث –افراد –عائلات –عازب –متزوج فبعض المنتجات تستخدم للنساء فقط او الرجال فقط او المتزوجون فقط)
ـــــــــــ
4-علي حسب المستوى التعليمى
 (طلبه – ابتدائى – خارجين – دبلوم كالكورسات والدورات والوظائف)
ـــــــــــــــ
5-على حسب المستوى المالى
 (اغنياء –فقراء  -حاله متوسطه –عمال كالسيارات الاجهزه المنزليه)
ـــــــــــ
6-على حسب التقييم النفسى 
(رياضى –تخين –رفيع –عشوائى كالمنتجات الرياضيه او منتجات التخسيس )
ــــــــــــــــ
7-على حسب الدين 
(مسلم (ملابس محجبات ) مسيحى – يهودى غير معتنق ديانه محدده )
ــــــــــــــــــ
8-تقسيم حسب المناسبات 
(اعياد ميلاد – افراح –اعياد كالتورت والهدايه والورد )
ـــــــــــ
9-تقسيم حسب العادات 
(الصعيد (جلايب) –المدن (بدل) –القرى لا يمكن بيع البدل فى الصعيد لان ليس من عادتهم لبسها حتى فى الافراح ولكنهم الاساسى هناك هو الجلايب)
ـــــــــــــ
10-تقسيم حسب الاستهلاك 
(مستهلك دائم – مره واحده – جديد - يوجد لاى شركه مستهلكين دائمين يثقون فى الشركه ومنتجاتها ودائما يشترون الجديد منها وينصحون الناس بها ويوجد ايضا مستهلك مره واحد المستهلك العير منتمى لشركه معينه ويوجد مستهلكين تريد ان تكسبهم ليكون مستهلكين جداد)
ـــــــــــــــــ
11- تقسيم حسب نوع العميل
(شركه –اشخاص –حكومه – جمعيات  هل ستتعامل مع شركات مباشره كمحلات الجمله ام مع المستهلك مباشره كالبقاله ام تبرعات كالجمعيات الخيريه ام توريد حكومى كالكبارى والطرق)
http://ktamat.blogspot.com/2015/03/tasweqktamat.html

ـــــــــــ
12- تقسيم حسب حاجات العميل ورغباته
(يشمل هذا الابحاث التسويقيه التى تستنج منها احتياجات العميل ورغباته وبناء عليه يتم طرح منتج ليوفى له احتياجاته )
ـــــــــــ
 العينه يجب ان تتوافر فيها بعض الشروط بعد اختيارها


http://ktamat.blogspot.com/2015/03/tasweqktamat.html


يجب ان تكون العينه 

1- حجمها مقبول  لا يمكن فتح ضركه لشريحه حجمها 50 فرد مثلا
 2- سهله الوصول اليها مثلا محل فى القاهره لا يستهدف دول الخليج
 3-الربح من العميل يجب ان لا تنسى هدف الشركه الاساسى وهو الربح 
4- فصل هذه الشريحه عن باقي الشرائح 
5- امكانيه التنفيذ الاستهداف
ــــــــــــــــــ

بنااء على العينه المستهدفه يتم الاهتمام بتفاصيل الشركه 

تصميم شعبي ام فاخر 
لوجو شعبى ام فاخر 
الرساله التسويقيه موجهه للشباب للكبار للعائله 
تخاطب بلد بعينها كالمشاريع الصغيره
تخاطب مستوى تعليمى بعينه كالوظائف
تخاطب مستوى مادى عالى كالاجهزه الغاليه الثمن او العكس
نوع التميز عندك فى السعر الجوده مقدمى الخدمه
واشياء اخرى كثيره جدا فى العمليه التسويقيه تتوقف على اختيارك الصحيح للشريحه المستهدفه

ـــــــــــــــــــ

وكمان يا عمى فى مشكله ناس كتير بتقع فيها وهى انها مبتخططش صح لو عايزه تفتح مشروع جديد علشان كده هنتكلم شويه عن خطوات فتح مشروع جديد
http://ktamat.blogspot.com/2015/03/blog-post.html

عنوانين اللى هنتكلم فيها يا عمى الغالى

 خطوات فتح مشروع جديد
دراسه السوق الداخلى للمشروع
دراسه السوق الخارجى لللمشروع
دراسه المنافسين وتحليل السوق
طرق الدخول الى السوق
مفاتيج النجاح 
نقط هامه 
فرينشايز
 http://ktamat.blogspot.com/



1-دراسه السوق الخارجى للمشروع 

وفى هذه المرحله يتم دراسه العناصر الاتيه لتحديد السوق الخارجى واحتياجاته ومدى قابليه نجاح المشروع مع اهل وطبيعه هذا المكان فلا يمكن بيع سبح امام كنيسه او بيع صلبان امام مسجد وهذه العناصر هى

   (طبيعه السكان 
–عادتهم وتقاليدهم
  – السن المسيطر 
– المستوى المالى 
 – احتياجات المكان 
– اتجاه السوق في المنطقه 
– دراسه نمو السوق 
– منطقه بها بحر جبال زراعه صناعه الطبيعه الجغرافيه
 – (لا يمكن بيع سبح امام كنيسه )

2- دراسه السوق الداخلى للمشروع 

وفى هذه المرحله تحدد مدى قدرتك انت على اداره المشروع وتحمل المحاطر وانتهاز الفرص المصاحبه للمشروع ويتم دراسه العناصر الاتيه
  (الميزانيه 
– هل استطيع اداره هذا المجال 
–وقت العمل مناسب ام لا     
 - تحمل المخاطره 
 -نقاط الضعف والقوه للمشروع المختار والتهديات 
وهل السوق متغير ام ثابت هكذا التكلفه )

3-دراسه المنافسين وتحليل السوق 

وهنا يتم الاستعانه بمنظومه سوات swot  وهى تتمثل فى اربع خانات نقاط القوه نقاط الضعف التهديدات والفرص ويتم قياس مشروعك على هذه النظريه وايضا المنافسين وتحديد نقاط قوتك ونقاط ضعفهم والعكس والتهديدات التى تقابلهم وتعتبر فرصه لك والعكس
http://ktamat.blogspot.com/2015/03/blog-post.html

4-طرق الدخول الى السوق 

(شراكه مع منافس قوى
ومعناه الدخول مع شريك قوى تحت الاسم والاداره الخاصه به
 –التميز
بمعنى ان تدخل بشكل مميز وطرق التميز سيتم شرحها بأذن الله فى مقاله خاص بها تحت عنوان الميزه التنافسيه
 –التجديد السعر
الدخول عن طريق التجديد بشكل جديد لم يدخل احد قبلك من الدخول بيه او عن الطريق المنافسه فى السعر )

5- مفاتيح النجاح  

 

(ارضاء الله سبحانه وتعالى ومراعاه عملك
ارضاء العميل 
–تقديم خدمه افضل 
–البعد عن نقاط الضعف للمنافسين وتقويه نقاط القوه 
–التميز
- الصبر
- الانضباط 
-ساعد غيرك ينجح )

6-نقط هامه 

(طول النفس 
–الميزانيه  
 -الاستعداد لتغيير المجال عند الخساره 
– تحليل الوقع بصفه مستمره وتقييم ادائك 

7- فرينشايز 

 (شخص يمتلك علامه تجاريه قويه وشخص يمتلك راسمال بلا مشروع فيفتح فرع تحت اسم العلامه التجاريه القويه بنفس المنتج وتحت نفس الاداره مقابل نسبه من الربح

http://ktamat.blogspot.com/2015/03/blog-post.html

ــــــــــــــــــ
               ولازم برده يا عممى تعرف ازاى تسوق لنفسك زى ما هنتكلم دلوقتى فى العنواين الجايه دى

1-سوق لنفسك باستخدام الفيس بوك
الصفحه الشخصيه - الجروبات - الصفحه العامه - المحتوى اللى تقدمه
2- سوق لنفسك باستخدام تويتر 
الهاشتاج - المتابعين
3-لينكد ان وكيفيه التعامل معه والفرق بينه وبين الفيس بوك
4-سوق لنفسك اوفلاين على ارض الواقع
ـــــــــــــــــــــــــــــــــــــــــــــــــــ

بسم الله الرحمن الرحيم


 السلام عليكم


الموضوع ده كبييير والوسائل بتاعته كتييييير بس انا هذكر كام حاجه منهم انهارده بأذن الله واتمنى الافاده

اول وسيله هى وسائل social media   (شبكات التواصل الاجتماعى ) واهمها الفيس بوك

الفيس بوك : face book


اولا صفحتك الشخصيه : لازم الناس اللى قريبه منك اصداقائك ومعارفك يعرفوا انت شغال ايه وايه المهارات اللى عندك وبتطور نفسك ازاى فمن افكار انك تبنى brand  وتسوق لنفسك من خلال صفحتك

1-      غير اعدادات صفحتك واكتب فى خانه الوظيفه ايه مجالك ودرسته ازاى وغير التعريف الخاص بيك وخليه زى تعريف بطبيعه شغلك وبالمهارات اللى عندك

2-      ضيف الناس اللى علاقه بمجالك وخصوصا التقال اوى منهم علشان تستفاد من المحتوى اللى بيقدموه ودول تقدر تجيبهم من الجروبات

3-      اشترك فى جروبات خاصه بمجالك وضيف المسئولين بتوعها ولو حد سئل فى حاجه  اسبق انت ورد وفيد الناس هتعرف اكتر عن مجال وهتجمع عدد متابعين خاصين بمجالك

4-      المحتوى اللى بتقدمه على صفحتك لازم يكون ليه قيمه لازم كل فتره تنزل بوست خاصه بمجالك

5-      لما صفحه او شخص فى مجالك ينزلوا محتوى كويس ويعجبك متسبهوش اكتب انت كمان كونت جامد وليها قيمه عاليه وحطها فى التعليقات علشان تكسب ناس مهمته بمجالك من صفحتهم

ده بالنسبه لصفحتك الشخصيه بس الفيس بوك مش صفحتك الشخصيه فقط عندك الصفحات العامه والجروبات

1-      اعمل صفحه الصفحه تنزل فيها محتوى ذو قيمه متقعدش تنزل اعلانات على نفسك لا نزل محتوى خاص بمجالك ومحتوى ليه قيمه كبيره خلى اللى يدخلك الصفحه يرجع تانى مره واتنين وتلاته وميسبكش  من جمال المحتوى اللى بتقدمه ومن كتر القيمه value  اللى بيحصل عليها

2-      خلى اللى يدخل ليك الصفحه يسوقلك من غير ما يحس بانه يعجبه محتواك فينشره على صفحته ويعمل منشن لصحابه المهتمين بالمجال ونو فى المحتوى اللى بتقدمه

3-      اى حد كتب رد او بعتلك رساله متتردش انك ترد عليه فى اقرب وقت وحاول متعديش ساعه من غير ما ترد

4-      اعمل بوستات تفاعل مسابقات اسئله وعليها جوايز كده شغل القانز اللى عندك معاك خلى الناس تعرفك من كلامك ومش بالاعلان عن نفسك

5-      بالنسبه للجروب اجعله للمناقشات اى حد عنده استفسار مواضيع النقاش فى مجالك كده

6-      نزل الصور الخاصه بيك فى الكورسات واماكن عملك فى صفحتك الشخصيه وفى الصفحه والجروب وساعد غيرك دايما سواء بالرد على اسئلتهم او انك تعرفهم الطريق يبدوا ازاى

7-      اعمل مقالات عن الناس الكبيره فى مجالك ومنشن ليهم اعملهم مقال لاما يشفوه لازم ينشروه عندهم من جماله هتكسب من عندهم جامد سواء متابعين او ثقه او براند

...................

سوق لنفسك باستخدام تويتر 

http://ktamat.blogspot.com/2015/03/brand.html

فى طبقه معينه من الناس بتقعد على تويتر الناس اللى مبتحبش تتكلم كتير J اعمل اكونت على تويتر وضيف برده الناس الخاصه بمجالك وتابعهم واعملهم تويتات نفس الكلام اللى قولناه فى الفيس بس فى حاجه زياده فى تويتر تويتر عباره عن هاشتاج تابع الهاشتجات الجديده واللى معدل الوصل بتاعها عالى واكسب فى الهاشتاج ده تويته جامده علشان تكسب متابعين من خلال

............

 لينكد ان :  linked in

http://ktamat.blogspot.com/2015/03/brand.html

اولا لينكد ان من اهم وسائل انك تبنى  brand  لنفسك لانه يعتبر  c.v  متجدد خاص بيك فانت فى اى مجال لازم يكون عندك اكونت عليه

بس ابوس ايدك متبوزوش الحاجه الجميله لينكد ان مش الفيس بوك ينى مينفعش عليه اسير الظلام ولا الواد المشاكس ولا الواد المشكله ولا البت الموزه J ارحمونا من الاسماء دى

لينكد ان بتعمل اكونت بيه باسمك وببياناتك صح وتكتب فى مهارتك ومجالات عملك وبتضيف الناس اللى فى مجالك بس  وتشترك فى عروض الوظايف

كل يوم لينكد ان بيقترح ليك وظائف خاصه بمجالك ممكن تقدم فيها

المحتوى اللى بتنزله على لينكد ان مش بوستات انما مهارات لو فى كورس صور الكورس ونزله اكتب مهاره جديده اتعلمتها خبره جديده فى مجال معين وظيفه جديده كده الصوره الشخصيه والصور اللى تنزلها تكون صور كراجل صاحب شغل مش قاعد مع صحابك ولا سيلفى ولا الكلام ده

بس هو مهم جدا جدا جدا حدا اعمل اكونت عليه دلوقتى

وده اكونتى على لينكد ان L

https://www.linkedin.com/hp/?dnr=bqmYxrHY5PfEawVCfcgaZfUS9yYmzefE3uO-&trk=nav_responsive_tab_home

....................

ده بالنسبه لبعض وسائل السوشيال ميديا
http://ktamat.blogspot.com/2015/03/brand.html
 

بالنسبه لارض الواقع متضيعش فرصه انك تعرف حد بمجالك وتساعده

قدم كورسات مجانيه فى الاول روح للمؤسسات التطوعيه وقولهم انا على استعداد انى اقدم كورس مجانى واحتسب النيه ليه  هتستفاد اسم لنفسك مش من الناس اللى هتحضر بس ده منهم ومن صحابهم اللى هيحكوا ليهم

وهتستفاد شغل لان لو اى شاب اشتغل قدام هيحتاجك فى استشاره ولو مشتغلش ولقى حد بيسئله هينصحه بيك كاول خيار

مضيعش فرصه مهاره جديده تتعملها وتعمل شبكه علاقات كويسه وانت بتتعلمها سواء مع اللى بيقدملك الكورس او مع اللى بيحضروا معاك

لو شوفت شركه واقعه فى جاجه وتقدر تساعدها اتصل بيهم وقولهم انا كذا كذا وشايف عندكم خطأ فى كذا وانصحهم

اشترك فى الاعمال التطوعيه باستمرار
 

وزى ما قالوا الناس دى #ديجتاليزر علشان تنجح ساعد غيرك ينجح الاول

وفى وسائل تانيه كتيير جدا بش ده جزء منها واتمنى انك تلاقى افاده فى البوست ده  شير بقا وعرف صحابك واعمل منشن لصاحبك اللى معرفش مين والكلام اللى بيتقال فى الاخر ده

#محمود_المدبولى #digital_marketing
  
ــــــــــــــــــــ

الميزه التنافسيه يا عمى من اهم الحاجات فى التسويق
<
http://ktamat.blogspot.com/

ــــــــ
نبدأ على بركه الله
بسم الله الرحمن الرحيم
علشان تفتح اى مشروع او شركه او تكون مسئول تسويقى فى شركه
لازم يكون عندك حاجه مش عند غيرك بتجذب العميل ليها وتخليه دايما يفضلك والحاجه دى اسمهاالميزه التنافسيه
وعلشان مطولش عليكم نخش علطول
ازاى تقدر تكون متميز عن غيرك من المنافسين
التميز عن المنافسين بيكون فى ست اشكال
http://ktamat.blogspot.com/

1-    التميز فى المنتج :

 

يعنى ايه ؟
يعنى المنتج بتاعك لازم يكون فى اعلى درجه من جهه العناصر اللى جايه دى واولهم طبعا جوده المنتج
شكل المنتج ( ممكن  يكون المنتج جامد جدا بس شكله وحش فيكون ده سبب ان محدش يشتريه )
_  سهوله الاستعمال ( زى تحويل الحقن الى حبوب فى مجال الادويه)
التصميم اللون الامكانيات والاوبشن التغليف  باختصار كل حاجه عن المنتج لازم يكون متميز من اول الغلاف لحد الحشو اللى جوه المنتج
ــــــــــــــــــ
http://ktamat.blogspot.com/

2-    التميز فى الخدمه

 

اى منتج لازم تكون فى خدمه مصاحبه ليه وبتختلف الخدمه من منتج لمنتج ممكن تبقى (صيانه – توصيل – ضمان للمنتج) والخدمه غالبا بتكون مجانيه او بسعر رمزى 
من انواع الخدمات 

(الدعم \ خدمه التوصيل \ صيانه مجانيه \ تدريب العملاء لو المنتج يحتاج الى هذا \) فلازم تقدم خدمه المنافس ميقدرش يقدمها او على الاقل بنفس مستواه
ـــــــــــــــــــ
3-    التميز فى مقدمى الخدمه
هم الاشخاص اللى بيتواصلوا مباشره مع العميل سواء موظفين مندوبين خدمه عملاء استقبال وهكذا
لازم الناس دى تكون على قدر المسئوليه وعندها شويه اساسيات زى
(فن التعامل مع العميل  -  اليونفورم الموحد الخاص بيهم والهيئه العامه  - السرعه فى تنفيذ المهام المطلوبه منهم  -  المهاره فى اتقان العمل  - طريقه التحدث  مع العميل والتعامل مع اى مشكله تحصل) وهكذا
وهذا الكلام يطبق سواء اذا كان التسويق اوف لاين او( التسويق اون لاين )
ـــــــــــــــــــ
http://ktamat.blogspot.com/
4-    التميز فى التوزيع
ودى من اهم انواع التميز  لازم منتجك يكون قريب من العميل والشريحه اللى مستهدفها علشان تقدر تبيع ليهم المنتج
 ده يعنى مينفعش تفتح شركه فى الصحرا او منطقه ملهاش مواصلات او منطقه وصفها صعب 
لازم مكانك يكون سهل الوصول ليه وليك فروع تانيه وهكذا منتجك لازم يكون ليه منافذ توزيع فى كل مكان علشان تقدر تتواصل مع عملائك زى شركات المحمول التلاته ووجودهم فى كل المحافظات + وجود رقم للاتصال بيهم دايما لازم يكون متوفر عندك وسائل لتضمن
(سهوله وصول العميل للمنتج  -- وجود المنتج فى اماكن كثيره بشكل ميسر)
ـــــــــــــــ
5-    التميز في صوره الشركه
وصوره الشركه تنقسم لنوعين خارجيه زى
(المكان – الشعار - شكل الاعلان - اللوجو )
وداخليه زى
 ( تصميم الديكور -  نظافه الشركه - اعطاء العميل اكثر من حقه حتى يرضى )
يعنى انا ممكن اخش مكان مره واحده بس ومدخلوش تانى لان الديكور بتاعه وحش او المكان مش نطيف او المعامله فيه وحشه
ـــــــــــــــــــــــــ
http://ktamat.blogspot.com/

6-    التميز فى السعر

وده بيكون عن طريق (خصومات وتخفيضات -  السماح بوقت اطول للسداد - وقت معين للشراء بسعر اصغر - هديه مع المنتج ) وهكذا
ـــــــــــ
يجب ان يكون التميز صعب تنفيذه للمنافسين الاخرين علشان ميتقلدش ويكون مريح للعميل ويغطى احتياجاته
وافتكر ان هدفك دايما فى شركتك من بعد ارضاء الله هو ارضاء العميل
ــــــــــــــــــــــــــــــ


ــــــــــــــــــــــــــــ


وهنكمل بقا ونشرح استرتيجيات التسعير


http://ktamat.blogspot.com/2015/04/mezatanafosia.html

ـــــــــــــ

والتسعير نوعين

هو اولا لو انت عندك منتج مسئول عنه فى الشركه وعايز تسعره والثانى يسمى الميزانيه لو انت مسئول التسويق فى شركه ازاى تحسب ميزانيتك

ـــــــــ
http://ktamat.blogspot.com/#/page/1
 

يتم تسعير المنتج بناء على ثلاث وسائل

اولا القيمه الذي يحصل عليها العميل

فى بعض المنتجات كالاجهزه الكهربائيه والاب توب والتليفون يتم تسعيره بناء على القيمه الذى سيحصل عليها العميل يعنى ممكن جهاز الاب توب يقف فى تصنيعه على 100 ج بس عنده مبيعه يتم بيعه ب 1000 ج لان القيمه اللى بيقدمها للمستخدمين عاليه جدا

ـــــــــــــ

ثانيا  تكلفه المنتج والربح المطلوب

وده غالبا الاسلوب المتبع فى معظم البضائع وهو حساب تكلفه المنتج على المصنع من الخامات والصناعه واضافه مقدار ربح معين وليكن عشره فى المائه وجمع سعر التكلفه + الربح المطلوب = سعر المنتج اللى هينزل بيه السوق

ــــــــــــــ

ثالثا بناء على المنافسين واسعارهم لنفس المنتج

يعنى ببساطه بتشوف المنافسين منزلين السعر بكام لنفس المنتج وبناء على سعرهم بتزود او بتقلل قليلا او بتنزل بنفس السعر

ـــــــــ
http://ktamat.blogspot.com/#/page/1

رائيى الخاص الجمع بين الثلاث استراتيجيات عند التسعير

ـــــــــــــــــ

ده المتعارف عليه عند التسعير ولكن فى استراتيجه تانيه لها علاقه بوجود المنتج فى السوق والاستراتيجيه دى بتقول

ــــــــ

لو كان المنتج جديد

1-ان كان المنتج جديد ملهوش منافسين فى السوق  يتم نزوله بسعر عالى لاستهداف اغنى طبقه الطبقه اللى بتحث على التميز لحد ما يحصل اكتفاء من هذه الطبقه وتبدا المبيعات تقل يتم  تنزيل سعر المنتج للطبقه المتوسطه وهكذا لحد ما ينزل لاقل طبقه بسعر مناسب ليها  تدريجيا  مثل التليفونات والخطوط والكمبيوتر فى اول نزولهم كانوا بسعر عالى جدا حاليا بقوا بسعر يناسب كل الناس

ــــــــــــ

لو كان المنتج قديم

2-ان كان المنتج قديم وموجود في السوق وبه منافسه قويه يتم نزوله بسعر اقل من المنافسين علشان يكسب شعبيه قويه وشريحه جيده فى الاول وبعد كده  يتم زياده السعر تدريجيا بعد اكتسابه للشعبيه والاسم من الطبقه اللى مستهدفينها مثال شركه سينا كولا كانت الاول بنص سعر الكاكولا والبيبسى حاليا بقت منافسه ليهم فى نفس السعر

ــــــــــــــــ
http://ktamat.blogspot.com/#/page/1


دلوقتى بأذن الله تعالى  هنتكلم  عن عنصر من عناصر التسويق  ( الرساله التسويقيه )
ـــــــــــــ 
http://ktamat.blogspot.com/2015/04/mezatanafosia.html

 الرساله التسويقيه

الرساله التسويقيه : هى عباره عن رساله قصيره تريد ايصالها بحملتك التسويقيه لثبت فى دماغ المستهلك وتربط بين شركتك وبين هذه الرساله مثال ( القوه بين ايديك (فودفوان) )

يتم بناء الرسالهالتسويقيه بناء على ثلاثه عناصر اولهم ( الشريحه المستهدفه )

ــــــــــــ

الشريحه المستهدفه

http://ktamat.blogspot.com/2015/04/mezatanafosia.html

يعنى لو مستهدف شريحه مستواها المالى او الثقافى عالى هتوصل ليهم رساله غير اللى هتوصلها لشريحه مستواها متوسط غير اللى هتوصلها للمستوى المالى الضعيف لما تكلم دكتور غير ما تكلم عامل غير ما تكلم موظف لكلا منهم اسلوب

فلازم اولا قبل تحديد الرساله تحديد الشريحه المستهدفه ومعرفه كل شئ عنها كما ذكرنا سابقا فى هذا الموضوع  - الشريحه المستهدفه

يعنى مش كل الناس تفكيرها واحد فى ناس بتبحث عن التميز ناس بتبحث على التوفير ناس تبحث عن السرعه وهكذا فلازم تحدد شريحتك انهى نوع فيهم

ــــــــــــــــــ

2- نوع المنتج

http://ktamat.blogspot.com/2015/04/mezatanafosia.html

ايه المنتج اللى هتسوق ليه ايه اهميته بيفيد العملاء فى ايه والمنتج مش شرط يكون شئ مادى ملموس فالمنتج

ممكن يكون حاجات كتير جدا ( شئ مادى – خدمه – انسان – شركه – فكره –  اى حاجه تقدر تسوق لها اسمها منتج  ) حتى الدين والدعوه الى الله منتج لانك بتسوق ليه وزى ما قال الراجل المحترم رامى ابرهيم اعظم مسوق على مستوى التاريخ هو الرسول اللهم صل وسلم وبارك عليه والمنتج اللى كان بيسوقله هو الدعوه الى الله وحقق اكبر نجاح على مستوى البشريه كلها فى حملته التسويقيه تلك اللهم صل وسلم وبارك عليك يا حبيبى يا رسول الله

ــــــــــــــــ

ثالثا نوع التميز 

http://ktamat.blogspot.com/2015/04/mezatanafosia.html

تحدثنا من قبل من هذا الموضوع الميزه  التنافسيه عن التميز واهميته وكيف تصبح متميزا عن غيرك من المنافسين قبعد تحديد نوع التميز فى العناصر اللى ذكرناها لازم تظهر تميزك هذا فى الاعلان والرساله التسويقيه يكون معناه عائد عليه زى مثلا اسرع دليفرى فى مصر ارخص سعر فى مصر

ــــــــــــــ

بعد ما تحدد الثلاث عناصر اللى فاتوا تقدر الان فعلا تحدد الرساله التسويقيه اللى انت هتقولها  مثال

لو المنتج سياره

والشريحه المستهدفه هى العائلات

ونوع التميز هو الجوده

يبقى الرسالهالتسويقيه هتكون (السياره تتمع بالجوده و الامان )

لان دايما الللى هيشترى سياره عائليه هيتاكد من الامان والجوده الخاصه بيهم علشان مصلحه اولاده

انما لو افترضنا ان السياره للشباب هتبقى الرساله (سيارتنا تتمع بالسرعه )

لو للمسافرين هتكون ( سيارتنا تتمع بالراحه )

هكذا 

ــــــــــــــ

الرساله لازم يكون فيها  كلمه سهله تربط الناس بالمنتج مثل كلينكس لو حد قالها اول حاجه بتفتكرها هى  مناديل ورقيه او بطاطس مقرمشه تفتكر بيها كلمه شيبسى او كل وسيطر تفكتر تايجر مع ان محدش فاهم ايه العلاقه بينى الشيبسى والسيطره بس ما علينا :D

حتى لو بتسوق لشخص او لنفسك لازم يكون ليك اسم خاص بيك اللى يفتكره يفتكرك علطول زى فى عالم التسويق

سبع البرمبه = محمد شعبان social media

راجل بتاع تسويق = رامى السيد seo  واعلانات مدفوعه

سبايدر = محمد حافظ seo

وانا عن نفسى ما مازلت بدورى على اسم فلو حد عنده اقتراح ميبخلش عليا بيه 

ـــــــ

ملحوظه

شعار الشركه وتغليف المنتج من الرساله التسويقيه وهكذا البنرات والاعلانات وكل ما يخص الشركه خلى اللى يخش شركتك يتأكد من صحه الرساله ده فعلا

ــــــــــــــــــــــــــــ


 الميزانيه التسويقيه ازاى تعمل ميزانيه تسويقيه لشركه فى مجال معين وهنتكلم عن الترويج واساليبه 

http://ktamat.blogspot.com/


ـــــــــــــــ


ــــــــــ

بيتم حساب الميزانيه بناء على عنصر من العناصر الاتى ذكرها
والعنصر الاول هو ( قوه راسمال الشركه )
ـــــــــ
قوه راسمال الشركه

http://ktamat.blogspot.com/


يعنى لو انت راجل بتاع تسويق ومسكت الحمله الخاص بالشركه ممكن تتفق معاهم على حسب راسمال الشركه يعنى نسبه خمسه فى الميه من راسمال يتصرف على التسويق ويبقى مصاريف التسويق جزء من راسمال الشركه
ـــــــــــــ
العنصر التانى

(نسبه مبيعات الشركه )

http://ktamat.blogspot.com/

 

انت هدفك من الحمله التسويقيه تحقق مبيعات بنسبه قد ايه وبناء عليه بتقيس النتائج والتحليلات وتشوف تقدر هتصرف كان علشان تتدخل مبيعات للشركه كام طبعا النسبه ممكن تكون اقل او اكبر من المتفق عليه بس متكونش اقل بنسبه كبيره وتكون اكبر براحتك صاحب الشركه هيجوزك بنته J
ــــــــــــ

العنصر التالت





( ميزانيه المنافسين التسويقيه )

http://ktamat.blogspot.com/

 

يعنى تشوف المنافسين بتوع شركتك بيصرفوا كام وبناء عليه تحدد ميزانيتك مش هتنافس شركه بتصرف مليون ج على التسويق بشركه تانيه بتصرف الف ج على التسويق طبيعى الاولى هتكون اعلى وافضل
ــــــــــ

طب انت يا عم محمود ايه رائيك فى الكلام ده

انا شايف التلاته غلط وهكذا برده شاف المسوقين الكبار اللى انا مش منهم بس بأذن الله هكون

الصح هو الطريقه الرابعه

http://ktamat.blogspot.com/


ــــــــــــ

والطريقه دى معتمد على عده خطوات

1-   تحديد اهداف الحمله التسويقيه  وذكرناها بالتفصيل فى المقالات السابقه
2-   تحديد الشريحه المستهدفه وطرق الوصول ليها
3-   تحديد فريق العمل والوسائل المتبعه
وبناء على ما سبق بيتم تحديد التكاليف بناء على الهدف والشريحه والوسائل لان ممكن يكون المنافس غبى بيصرف كتير بس خطأ او انك تتفق على نسبه مبيعات بس متوصلهاش او تجيب افكار مبتكره متكلفش الشركه كتير من راسمالها فلازم تكون مبدع وبتفكر صح ودى الطريقه الانسب والاصح فى تحديد الميزانيه
ــــــــــــ

http://ktamat.blogspot.com/


ملحوظه :

الميزانيه بتكون مرتفعه جدا فى الاول وتقل تدريجيا لحد ما توصل لمستوى معين وتزيد تانى مع ظهور منافس قوى فى السوق
ـــــــــــــــــ

ازاى تعمل حمله ترويجيه لمنتجك او لشركتك فى 3 طرق فى الترويج ممكن استخدامهم والابتكار والتطوير مفتوحين

http://ktamat.blogspot.com/


ــــــــ

1-اسلوب الدفع

(تنزيل منتج في اماكن كثيره جدا بسعر قليل مناسب للجميع ولامكانيات المنتج مما يدفع العميل لشراءه )  يعنى بتوفر للعميل سعر مناسب ومكان سهل الوصول ليه ويكون قدامه المنتج فى كل مكان فيقتنع ان المنتج ده جيد جدا من كتر ما بيشوفه فيشتريه  نظام الانتخابات فلان الفلانى بيؤيد ويبايع الحاج فلانى الفلانى
ـــــــــــــ

2-اسلوب السحب

(سحب العميل لمنتجك باستخدام سمعه المنتج وقوته وتميزه وباستخدام العروض التسويقيه خصومات وهدايا وهكذا )
يعنى تبنى براند قوى للشركه وسمعه كويسه جدا فى الاول يخلى العميل يثق فيك ويبحث عن منتجك ليشتريه زى الماركات العالميه فى الاجهزه
ـــــــــــ

3-الدعايا والاعلان

 (هى التى لا يحصل فيها تواصل مباشر مع العميل مثل التليفزيون واعلانات الشوارع ) تعرف العميل بمنتجك من خلال الدعايا والاعلان علشان يعرف بوجودك ويبدأ يشترى منتجك

http://ktamat.blogspot.com/


ــــــــــــــ

ممكن تجمع بين الثلاثه وسائل او تعملهم خط زمنى تبدأ بكذا ثم كذا ثم كذا حسب ظروف الشركه والمنتج والميزانيه

ـــــــــ

وبكده يا عمى يبقى انا كلمتك باختصار عن اساسيات التسويق وعناصره بشكل مختصر 
كل ده مختصر يا بنى 
اومااااال يا عمى انت مستقل بعريس بنتك ولا ايه 
يلا هنشوف الزياره الجايه بقا السلام عليكم 
ــــــــــــ



افلام اون لاين